Oñşuk

OÑŞUK

Ýigrimbäş
beýnime gurt düşen wagty
ýaşdaşlarym asyk, gyza haýranka
pyçgy, çekiç
gaýnamy ters ýaldyrak
ýalaňaç aýagmy basyp ot beňkä
atama zeýrenip hem edip haýyş
gygyrdym: atajan, bir jumgany geç!
jumga gün il ýaly
dynç almak gerek.

gyýyp otyr gyýylçakly galaýy
başyny galdyrman, gaşyny çytman
men gygyrdym
emma ol sesin gyrman
ýa-da gygyranym ýüzüne alman
emaý bilen diýdi: hany, aýt balam
bokurdaga dynç ýok wagty ýeke gün
jumga gün işleýän adam däl diýdiň
diýsene, jan ogul, o nähili, neneň?
şu çata dakylýan parça-parany
haçan getirerka diýip jan eneň
ballyň dokuzyny jübt etjek bolýar
agaňa gelinlik gözläp çatmadan
garaz käbir zady mugt etjek bolýar
a sen bolsa oýna gyzyp jumgany
eptäň günlerinden syljak bolýarsyň
jan ogul, ýetmişi işläp gajyýan
ataň ýagdaýyny özüň bilýarsiň
inhä Ispahana danyşga gitseň
ýanyma kim gelse ýarpa çekişer
alybilse allasyny gözlemez
özin usta saýyp takal okuşar
jan ogul, bu oňşuk
oňuşmak diýmek
günüň gyşarmasa sen bir az gyşar
kösenmege öwrenşen soň adamzat
jumgany hem işlemege öwrenşer.
inmelisiň geçmek üçin olumdan
adamzat tohmunda uçup geçen ýok
öň aýagyn açyp başyn egmedik
akyp duran çeşmeden suw içen ýok.

Ýusup SAPAÝY.