"Eline alypdyr gaýgy küregin..."

"ELINE ALYPDYR GAÝGY KÜREGIN..."

Eline alypdyr gaýgy küregin,
Ýüzüp ýör hiç arman aldygyna sary.
Perzendine ezip ene ýüregin,
Dört ýana hars urýar köyendeý ary.

Gol bulaýlap aýlap göze ýaşyny,
Pynhan ýaşy meni goýmaz günüme.
Gitsem-de men bir pursatlyk aýrylyp,
Ugradýan deý göýä meni ölüme.

Ýaňakdan syrygyp akanda ýaşy
Ýylgyrdy göwünsiz, agyly pynha.
Hiç gamlanma käbäm gyýma ýüregiň,
Gaýdyp gelerin men hä diýmän ynha.

" Sag-aman bar, ýoluň ak bolsun balam"
Diýip pyşyrdady " Ýoluň bihatar"
Salym düşüp geçsem uzak menziller,
Howp abanýan dek meni gam bassar.

Ýola çykdym Käbäm bilen hoşlaşyp,
Gözden gaýyp boldy ara daşlaşyp.

• Sen aglama ejemjan!

Sen aglasaň maňa juda kyn düşer,
Şonuň üçin sen aglama ejem jan.
Sen aglasaň durmuş zyndana düşer,
Sen aglama,
Sen aglama ejem jan!

Sen aglasaň agyr urar ýüregim,
Sen aglama meniň uly dilegim.
Sensiň meniň iki dünyä geregim,
Sen aglama,
Sen aglama ejem jan!

Sen bolmasaň maňa düşer örän kyn.
Sensiň maňa hemme kişiden ýakyn,
Seň saýaňda tomus günlerem salkyn.
Sen aglama,
Sen aglama ejem jan!

Sen aglasaň maňa daralar dünýä.
Dag-daşlar hem göyä maňa sürünýä,
Sensiz maňa nämä gerek bu dünýä.
Sen aglama,
Sen aglama ejem jan!

Seň şanyňa müňläp sazy çalsalar,
Eneler dünýäde baky galsalar.
Seň ýeriňe men gideýin alsalar,
Sen aglama,
Sen aglama ejem jan!

Görmäýin gözleňde ajy ýaşyny,
Belent tutup keramatly başyňy.
Şatlyk gurşap alsyn mydam daşyňy,
Sen aglama,
Sen aglama ejem jan!

Gurbanmämmet MEREDOW.