Gürgenli gyz

GÜRGENLI GYZ

Togsan dolup nowruz gelse,
Seýre çykar Gürgenli gyz.
Hoş ýylgyryp nazar salsa,
Çürkäp ýakar Gürgenli gyz.

Söz berip söwer ýaryna,
Barsa Gürgen kenaryna,
Zülpleriniň her taryna,
Düwme dakar Gürgenli gyz.

Kirpigi ok, gaşy keman,
Geçme maňa nazar salman,
Ýylgyranda aman-aman,
Gand-u-şeker Gürgenli gyz.

Gurban bolsaň näzlerine,
Baldan şirin sözlerine,
Maral kimin gözlerine,
Sürme çeker Gürgenli gyz.

Kümmet-de toý-baýram güni
Märeke-de gördüm seni,
Şonda haýran etdiň meni,
Näzli bakar Gürgenli gyz.

Anna Kowusow.