"Gyz gylykly, ýüpek şemal..."

"GYZ GYLYKLY, ÝÜPEK ŞEMAL..."

Gyz gylykly, ýüpek şemal,
Äkit meni al-asmana.
Öwret syryn arşyň, kürsüň,
Ezber men gulak asmaga.

Äkit meni Bagdadyna
Sonar göwün durnalaryň.
Bulandym dünýäň gerdinden,
Belki, biraz durlanaryn!

Küli sowan ojaklarda,
Üfläp-üfläp ýandyr meni.
Hemem bir teşnäň lebine
Boz ýagyş deý ýagdyr meni.

Gurum basan gursaklara
Ak nur edip ele meni.
Sogap ýükli nere öwrüp,
Bir gün yza dola meni.