Hažžyk bilen suwulgan

HAŽŽYK BILEN SUWULGAN

Göräýmäge ikisem bir süýrenji,
Biri eý görülýär, biri ýigrenji.
Hersiniñ özüne laýyk ady bar,
Olar hakda rowaýat bar bir geñsi.

Öñ zamanda ýakmak üçin birini,
Ýygyp otlapdyrlar odun baryny.
Hažžyk üflänmişin ýandyrjak bolup,
Suwulgan tersine söndürjek bolup,
Suw getirmek üçin suwa ylganmyş,
Şoñ üçinem suwulgan at galanmyş.

Hažžyk bolsa üfläp göm-gök bolupdyr.
Şol sebäpli gökdalak at galypdyr.
Damagyn çişirip sary kelpeze,
Bir mahalky otdur öýdüp Günmüze,
Heniz-henizlerem üfläp ýörmüşin
Çöpe çykyp, Güne gargap ýörmüşin.

Dünýäm haýyr işden bolsa-da doly,
Ýöne arasynda şol hažžyk ýaly,
Öçüp barýan ody köredýänler bar
Hažžygyñ nebsini ýöredýänem bar.

1978 ý.

Ogulsoltan TAGANDURDYÝEWA.