Ilkinji söýgüden düşeñde jyda

ILKINJI SÖÝGÜDEN DÜŞEÑDE JYDA

Ýaz damjasy gözýaş bolup görüner,
Gülälek baş atyp, zaryn yranar.
Bu giñ jahan gara bulda bürener,
Ilkinji söýgüden düşeñde jyda.

Adam kändir, taý tapmarsyñ özüñe,
Göwnüñ ýetmez ýöreýşine, sözüne,
Kä oturyp-turşy ýekdir gözüñe,
Ilkinji söýgüden düşeñde jyda.

Şahyr dälsiñ, ýara goşgy düzersiñ,
Kagyza däl, ýüregiñe ýazarsyñ,
Ömürboýy mähir küýsäp gezersiñ,
Ilkinji söýgüden düşeñde jyda.

1978 ý.

Ogulsenem TAÑÑYÝEWA.