"Ine, Watan diýip.."

"Ýagşy niýet, ýagşy keşbe uýarlar"

Haçandan bäri niýetiň, keşbe dahylly ýeri bolupdyr? Bizä adamyň fiziologiýasyny we fizionomiýasyny gen aýarlaýarmyka diýýärdik. Ýagny biologiýa sapagynda şeýle öwredipdiler.

"Depäňde lowurdap, Gün çogup dursa,
Ine, Watan diýip, şuňa diýerler."

Şu jümledäki "Gün" sözi metaforamy ýa tebigy gün?!
Metafora bolsa, "Gün çogmak" bu gyzgynyň galmakmy ýa günüň gelmekmi?!
Tebigy gün bolsa, onda gün, Gün sistemasyndaky ähli saýýarlaryň depesinden belli bir derejede çogýar. Diýmek, Watan diýilip Gün sistemasyna aýdylýarda?!

"Şahandaz jahyllar, owadan gyzlar,
Özlerini guş dek erkin duýarlar.
Bir perdeden gopsa çalynýan sazlar,
Ine, Watan diýip, şuňa diýerler."

Erkinlik bilen bir perdeden gopmaklyk bir zat däl. Bolsa, biri-birine çapraz.

"Bir adamyň başy çala syzlasa,
Goňşy-golam dogany dek söýerler."

Baş syzlamak, söýmek?! Ine-de söýgüniň çuňlugyndan bir nyşan. No comment.

"Uly derýalaryň batly akymy
Bize tabyn, nirä sapsak guýarlar."

Amyderýany öňki şahasy boýunça Wasyň üstünden Hazara guýduryp bolsa, türkmeniň Gara çöli, ala-ýaz bolardy. Bu-da ömür amala aşmajak kiçijek arzuwym. Şol bir wagtda ýokarky sözlemiň nädogrylygy.

"Heniz Gün düşmedik garlar ereýär,
Dostlara dogan dek hormat goýarlar.
Dünýä bize ynam bilen garaýar,
Ine, Watan diýip, şuňa diýerler."

Nädogry söz düzümlerinden düzülen ejiz jemleme.

meni şu setir azara goýdy:
"Bir perdeden gopsa çalynýan sazlar"

agzybirligiň gürrüňi, düşnükli....
ilki simfoniýa göz öňüme geldi, hemme saz gurallary sazlaşyk bilen, dirižýoryň ýolbaşçylygynda bir ajaýyp sazy ýerine ýetirýärler....
ýöne ol saz gurallary bilen orkestriň daşynda-da saz çalyp bolmalydyr-a....
"bir perdeden gopmasaň" - agzalalyk, erbetlik ýaly pikir etmegi dogry hasaplamok.
dünýede näçe saz guraly bar bolsa, şonça dürlide sazlar bolmaly, bolup biler...
dünýe şoň bilen gözel.
ters düşünmäň....
Alla bizi dürli-dürli ýaratdy.....
herimiz bir dünýä, bir älem...
ýöne, ýene-de hemmämiz birigip bir ýaradylan, bir ynsan...