Küýsemek

KÜÝSEMEK

Sen meni küýseme,
Küýsäniñe degmesem.
Küýseme,
Ünsüme çekip bilmesem.

Kirpigimde irkilmeseñ, küýseme,
Goşgularym göwnüñ awlap bilmese.
Şatlygyma tirkelmesemlñ, küýseme,
Küýseme, aglañda aglap bilmesem.

Gitseñ, gülkim seni yzyna dolar,
Gitseñ, iñ kyn günüñ özüme dolar.
Gelseñ, goşalanar baharym-ýazym,
Gel sen, älem-jahan bolup bir özüñ.

Onsoñ, ezizim!
Hiç kes deñziñ boýlabilmez men bolup,
Saçlaryñy oýnabilmez men bolup.
A men bolsam saba öwsen ýel bolup,
Öpe-öpe didaryñdan ganaryn,
Señ suraýy gerdeniñe gol salyp,
Dideleñde surat bolup galaryn.

Durmuş weli ýene eýgertmez bolup,
Aýrar bizi, girerinen men düýşüñe.
Gez sen menden özgä elýetmez bolup,
Küýsäniñe degmesem sen küýseme!

Gowşut ŞAMYÝEW.