MEN
Onat-oňat maslahatyň öýi men,
Gapym açyk haçan gelip girseňiz,
Durmuşyň baýramy, durmuş toýy men,
Şatlyk-şowhunym kän girip görseňiz.
Gülüp bilýän gözlerime ýaşaýlap,
Gyýylaň wagtymda bogazym doly,
Çagam görmäň gezip bilýän kän aýlap,
Il-güni görmesem bolaryn däli.
Şeýle barlyk berilipdir maňada,
Men Taňrydan yrza, takdyrdan yrza,
Yrza, ýaşap ýörenligme düňýede,
Bimahal hatardan galmasam hernä.
Çykmasam çägimden, bolýar azmasam,
Mydam bolup bilsem goýnuň garasy,
Dosty-ýarlam bilen bagşy diňlesem,
Öz içimde bitsin ýürek ýarasy.
Allanazar REJEBOW.
0
