Главная » 2019 » Iýul » 24 » Men kim?!
21:00

Men kim?!

MEN KIM?!

Bir pursatlyk egleniñ,
Aýak çekiñ adamlar.
Men kim?!
Kimligimi aýdyñ siz maña
Özüm tanadyñ özüme,
Ornum nirede bolmaly,
Ýaşyrmañ-da hiçisin,
Baryny aýdyñ maña,
Aýdyñ hemmesin!
Belki tanaman özümi,
Bolup biadyl,
Eýelän bolmaýyn özgäñ ornuny.
Günälerim agraldyp,
Özüm bolmadyga mendirin öýdüp,
Duran bolmaýyn!
Ýöne salgymlaryñ synyndan tutup,
Kölegä dirilik öýdüp ýörmäýin.
Heniz pursat barka özüm tapara,
Hakykat üstüniñ şalyny serpim!
Hemem eger meni söýýän bolsañyz?
Aýdyñ: men kim?!

Aknur ROZYÝEWA.

Surat: Pablo Pikasso / "Men - Pikasso", 1901 ý.
Goşgular
Категория: Goşgular | Просмотров: 586 | Добавил: Hаwеrаn | Теги: Aknur Rozyýewa | Рейтинг: 5.0/1
Awtoryň başga makalalary

Goşgular bölümiň başga makalalary

√ Ýa Biribar / Goşgular - 30.01.2025
√ Lolular / Goşgular - 08.01.2025
√ Ýar laglyň arzuwlar men, jana bereý sen şypa... / Goşgular - 06.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Oňşuksyz öý / Goşgular - 12.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Dünýä maňa aşyk bolsun! / Goşgular - 07.01.2025
√ Meýdan güli / Goşgular - 30.01.2025
√ Dil pyrak odunda ýandy, galdy jan hijran era... / Goşgular - 12.01.2025

Teswirleriň ählisi: 5
0
1 Jumjume  
571
Sen ajaýyp şahyr,zenan,dost

0
2 Zyýada  
579
Täsirli, oňat goşgy.

0
3 Raviya  
584
Orazguly Annaýewiñ bir goşgusyny ýatlatdy. Birhili çalym edýär şol goşga.

0
4 Raviya  
584
"Şeýtan"

Şu gün säher bilen
Iş ýerimde işlän bolup otyrkam,
Meniñ açyk duran gapymy kakman,
Sorap bilinmedik islegme bakman,
Şeýtan gelip girdi meniñ ýanyma.
Ilki tanamadym,
Bilip bilmedim,
Näçe agram salsamda men añyma.
Onuñ keşbi,
Oñ görnüşi däl eken,
Aýdyşlary ýaly şeýle bir myrtar.
Gaýta bu şeýtanyñ şeýtan ýüzünde,
Bu čaklar duşmaýan ýiti mähir bar.
Edepli ekeni,
Gelmedi ol alkymyma dykylyp,
Onuñ orny boldy otagyñ künji.
Ýöne men özümi oñaýsyz duýdum,
Ynjalyk berenok maña bir ünji
Soradym men ondan:
Etdimmi ikilik
Işimde,
        Durmuşda
               ýa-da ömrümde,
Lebzim ýuwutdymmy
              adam satdymmy,
Wezipe aldymmy
Bir kişiniñ aýagyna ýykylyp?
Ýa howpdan çekinip,
Itdimmi başgany uçut gaýadan
Yza çekilip?
Soragyñ yzyndan sorag ýagdyryp
Berýän sowallamdan barýan ýygrylyp.
Şeýtan söz gatmady,
Köp manyly garap otyr ýylgyryp.
Dymdym öz soragma özün düwünip,
Diñlemekçi boldum şeýtan buýrugyn.
Ol bolsa ýerinden galdy-da sessiz,
Sorag alamaty ýaly göterdi
Ýete ýetip ýatan uzyn guýrugyn.
Soñ bir sözem diýmän çykyp gitdi ol,
Bu şeýtandan maña bolmady zowal.
Müñ soragma derek goýup gitdi ol,
Meñ soragma derek ýekeje sowal...

Akylyndan aşa düşen bu ynsan,
Ynjan ynsabyna diýýärmi şeýtan?!

Ýazary:Orazguly Annaýew

0
5 Arzyman  
418
Men-ä adyny okap, Annasoltanyň goşgusydyr öýdüpdim...

Teswiri diňe saýta agza bolan ulanjylar goşup bilýär.
[ Agza bol | Saýta gir ]