Möý

MÖÝ

Ey, möý, möý! 
Meň öýümde edipdirsiň, öý, öý, öý!   
Ilki degjek däldim saňa, 
Diýipdim: Men ýaşaýan, ýaşa senem ürkmäni.
Hawa ýaşa diýdim, ýöne dogrysy, 
Sen gelmänkäň meniň dynç başym bardy, 
Sen geleňsoň welin, bozduň kadany.  

Üýşürdüň sen öýe çaga-çugaňy, 
Daýy-daýza, mama, iniň-agaňy. 
Agtyk- çowluk, ähli tohum tijiňi, 
Bes etmediň, kesmediň hiç ujuny.  

Eý, möý, möý! 
Boldy bu gün siziň üçin, 
Toý, toý, toy! 
Sallanyp geçip dursuňyz. 
Sallançak uçup dursuňyz. 
Erbet  ýeri, ýüwaş-ýuwaş, 
Meň daşyma-da geçip dursyňyz.  

Eý, möý, möý! 
Bolar indi, goý, goý, goý! 
Indi çykarmasam öýümden seni, 
Ertir  öz öýümden kowarsyň meni!      

Abdyrahman DÜÝEJI.