Mukaddeslik

MUKADDESLIK

Tarypyň sözlärden ejiz men, ejiz
Dünýäniň diregi mähriban ene.
Duýmadym men mähir seňkiden eziz,
Kalbyňda egsilmez mähir bar ene.

Ene - Taňryň ýerdäki perişdesi,
Hem-de dowamat gämisi älemiň.
Ýardyr ol elmydam saňa her işde,
Gözden salmaz seň ätlejek ädimiň.

Ene - aýdym, ýürekleriň küýsegi,
Şu günüň şüküri, yhlasy ertäň.
Hüwdülerin däli köňül küýsedi,
Çünki bedenimiz hüwdüden berkän.

"Enä tagzym - mukaddeslige tagzym"
Tagzym olaň her ädim, her ýoluna.
Çünki, öz janyny gaýgyrman ene,
Ömür peşgeş edýär adam ogluna.