23:53 Nämälim hyýal | |
 Ne saña ynanýan. Ne seni söýýän. Ne görüp gönenýän. Ne sesiñ duýýan. Özüñem bilýänsiñ ynam diýlen zat Dümede ekilen garpyz däldigin Ya sende, Ýa mende Haýsydyr bir gün Ynam döräýse-de barybir ýene Söýgi atly çalasudur salgymyñ Aýakýalañ, başy açyk yzyndan Gitmejegiñi, Hem-de gitmejegimi Bilibem duransyñ. Şonuñ üçinem Meniñ bir nämälim günleriñ biri Seniñ gül pürkülen çukanaklyja Al öwüsip duran ýañaklaryña Açgöz didelermi degräýjek bolup Ýa-da suwa inen käkilikleriñ Owazyn ýatladýan pyşyrdylarña Diñ salyp ýatmagyñ hut maña däl-de Gör haýsy bagtla nesip etjegin Aýnada gören dek bilip dursamam Menden juda alyslarda, Bir ýerde Ikindin mahaly şapagy synlap Özüñ hakda, Men hakynda oýlanyp Syr bildirmän ýanyñdaky durana Ýalandan ýylgyryp, gülüp dursañam... Men bu ahwallary duran ýerimden Palçy bolmasamam palçylar ýaly bilip durun. Hem-de tanşan günümiz Içimden zymdyrlyp geçen duýgulañ hormatyna seni ömrüm ötýänçä Ne söýmän bilýärin, Ne-de ynanman... * * * Bir gün ogluñ bolar. Gyzyñam bolar (Şu gezeg-ä gyz bolaýjak öýüdýän) Haýsy bolanda-da parhy ýok maña Owalda Allanyñ halany bolar. Ýöne ap-ak mämelerñi sokjalap Emýän balajygy gujagña gysyp Bile bir düşekden örmedik diýip Söýgimiziñ miwelerniñ jykyrdap Öýmüzi bazara öwrüşlerini Bile buýsanmadyk, görmedik diýip Göwsüñe ymtylýan ümbilmez çagañ Ýelniñi ýeñledip bolarna çenli Böwrüñe diñ salyp oýa çümeñde Sýurpizden doly ýükli günleriñ Durmuş kerwensaraýynda goş ýazyp Bizi ýene birikdirse birsellem Dil bilen aýdañda düşnüp bolmajak Geñsi duýgularyñ tug deý pasyrdap Gaýdyp görmesegem bir-birimizi Gurhan ýaly çagalara bakanda Dünýäñ döwranyny sürýän deý bile Elýetmez duýgyny bagş etjegini Galanja ömrüñde armansyz, gamsyz Ykbalyñdan razy bolup gitjegñi Bilýänem dälsiñ... Has TÜRKMEN. | |
|
| |
| Teswirleriň ählisi: 2 | ||
| ||
0
