Öýmüziň bilbili

ÖÝMÜZIÑ BILBILI

Biziň öýde bir gül bar,
Bagdaky gülden gowy.
Onda süji bir dil bar,
Saýrak bilbilden gowy.

Göterýäris biz ony
Bökdürip elden-ele.
Şatlygmyzyň ýok çeni,
Wasp edýäs dilden-dile.

Gulpaklary tylla dek,
Öwşün atýar ýüzüne.
Eje-ata diýýäs bek,
Guwanýarys sözüne.

Oýnan oýnuna uýýas,
Ol ynsanyň körpesi.
"Watan şiri bor" diýýäs,
Beýik onuň sarpasy.

Pomma NURBERDIÝEW.