Parahatlyk ýeli

PARAHATLYK ÝELI

Batlan,
Eý, azatlyk ýeli.
Parahatlyk ýeli,
Batlan bar ýerde.
Batlan
Päk ýüreklerde,
Gündogarda,
Günbatarda,
Demirgazykda
Hem günortada
Halk bilen birlikde,
Aýaga galyñ!
Zalym üýşmeleñni
Çaşyrmak üçin.
Azgynlaryñ külün
Göge sowuryp,
Daglardan-da añry
Aşyrmak üçin,
Parahatlyk ýeli,
Batly öwüs sen
Nur dünýäñ ýüzünde
Ýaldyrar ýaly,
Ýeller
Duşman käsesini böwüsip,
Gorkusyndan ol
Galdyrar ýaly,
Şol käsäñ agajyn
Damary bilen
Goparar ýaly,
Öwüs güýçli azatlyk ýeli
Goý, ol agaçlar
Oduna dönsün.
Halkyñ ýeñen güni
Ot bolup ýansyn.
Ýalkym galkymy
Diñ göge sary,
Ýagtylsyn asmanyñ dury
Aýtymy;
Halk arzuwy aşar ýaly
Parahatlyk ýeli
Uçur aýdymy.

Radwan ŞAGAL,
türk ýazyjysy.

Terjime eden: Sapar ÖRÄÝEW.