Doglan gün gutlagy

DOGLAN GÜN GUTLAGY

Goşgy-gazal bilen ýüzlenyän bu gün,
Doglan günüñ gutly bolsun, halypa.
Görmedim siziñ deý sada, ak göwün,
Doglan günüñ gutly bolsun, halypa.

Zyýadadyr çeper diliñ, edebiñ,
Goy, mydama ugur alsyn edeniñ,
Şahyr gyzy mährem enäñ, pederiñ,
Doglan günüñ gutly bolsun, halypa.

Miwäniñ bollugy ýük bolmaz baga,
Beyikligni aytmak hökman däl daga,
Sözleñ özi akyp gelyär zybana,
Doglan günüñ gutly bolsun, halypa.

Dost-yaryñ gallasyn töwerek-daşyñ,
Yranmaz döwletiñ, bol bolsun aşyñ,
Mertebäñ belentde, sag bolsun başyñ,
Doglan günüñ gutly bolsun, halypa.

Çyn zehini bilen ayandyr şahyr,
Halkyñ yüreginde beyandyr şahyr,
Näçe yaşasa-da juwandyr şahyr,
Doglan günüñ gutly bolsun, halypa!

Gurbanjemal ANNAKOWA.