Главная » 2024 » Dekabr » 11 » Rubagylar
23:59

Rubagylar

RUBAGYLAR

Her kes bir pikirde, müň garaýyş bar,
Kimler ýalanyň yzynda ylgap ýör.
“Hak söz” diýip, gygyrýanlar kän welin,
Adam ogly hak aýdlan çyn söze zar.

Dünýäň müň işi bar, syry nä jüre,
Her işi, ol syry bilýänden sora.
“Bar zat Hakdan” diýip oturan nadan -
Panyň öz oýny bar, şoňa bir gara.

Kim aýtsa aýtsyn, hak sözleri diýsin.
Dünýa ýüzüne ýagşylygy ýaýsyn.
Haky bilmän, Hakdan “söýlän” gurrumsak -
Ýaradany bir öz gününe goýsun.

Allaň adyndan aýdylýar ýalan,
Diýýar: “Kitapda bar sözlerme ynan”.
Ýalançyň sözi “ýalanam däl” eken-
Elheder edermiş ýamandan-ýaman.

Döwletmyrat ÝAZKULYÝEW.
Goşgular
Категория: Goşgular | Просмотров: 351 | Добавил: Moderator | Теги: Döwletmyrat Ýazkulyýew | Рейтинг: 1.8/6
Awtoryň başga makalalary

Goşgular bölümiň başga makalalary

√ Bir dem ol dilber jemalyndan yrak olmak ne güýç... / Goşgular - 01.01.2025
√ Ýaraly ýüregiň owazy / Goşgular - 22.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Ýar laglyň arzuwlar men, jana bereý sen şypa... / Goşgular - 06.01.2025
√ Meýdan güli / Goşgular - 30.01.2025
√ Lolular / Goşgular - 08.01.2025
√ Şaglawuk / Goşgular - 02.01.2025
√ Oňşuksyz öý / Goşgular - 12.01.2025
√ Kowusnama: Bedew edinmek hakynda / Goşgular - 12.01.2025
√ Hatty benewşe, haddy läle, zülpi reýhandyr... / Goşgular - 12.01.2025

Teswirleriň ählisi: 4
0
1 Demirgazykly  
1528
Döwletmyrat aga, bagyşlañ. Bular rubagy däl. Moderator aga, men-ä beýle gowşak bentleri çap etmäge-de utanardym.

0
2 yagsymadowabibi  
1850
Bäh, ulumsylyk etdigim däl. Ýöne näme diýjek bolýanyna özi bir düşünýämika ýaşulyň. "Rubagy" adyna bukulyp, warsaky otarsaňam bolýan ekenow. Omar Haýýam pahyr okan bolsa aglardy bu "rubagylary".

0
3 Saylaw  
1486
Kакие глупые "pyбаи" :)

0
4 Garadag  
128
Rubaga mahsus bolan forma aýratynlyklary bolsa-da, mazmun-çeperçilik taýdan rubagy şygrynyň talaplaryny ödäp bilenok hasaplaýaryn.
Bizde Anna Gurtgeldi, Guldurdy Sähetdurdy ýaly zehinli rubagyçylar kän. Men Anna Gurtgeldiniň:

Adam ömri hem uzyn hem keltedir,
Ýana-ýana tamamlanýan peltedir,
Ölen güni oňa öldi diýmäňler,
Oň ömrüni kesgitlejek ertedir-

- atly rubagysyny entek okuwçy wagtym ýatlapdym.
Ýokarda bize ýetirilen "rubagylar" atly tekst bolsa, gynansak-da göwnümizde gubar galdyrdy.
Men aslynda mysal getirip bir zat aýtmaly bolsa, "rubagylar" atly ýokardaky tekstlerde kapyýa we bogun sanlar hakda durup geçeýin. Setirler yzygider büdreýärler. 1-nji bendiň 4-nji setirinde 4-nji bendiň 1-nji setirinde bogun sanlary artykmaç ýa-da kem bolandygy üçin agyr okalýar. Şeýle hem 2-3 ýerde setirlerde durgy nokatlary nädogry goýlandygy üçin şygyr däl-de ýönekeý setir ýaly effekt döredýär.
Men awtora rubagy ýaly müňýyllyklardan gelýän şahana žanrda eser döretjek bolanda, özüne örän talapkär bolmagy maslahat berýän.

Teswiri diňe saýta agza bolan ulanjylar goşup bilýär.
[ Agza bol | Saýta gir ]