Saña

SAÑA

Çöşlenmejek bolsa bu gara saçlar,
Nämäme derkar?
Aýlanmasa bagtdan bu juwan başlar,
Bolar dünýe dar.
Gabaklarym gözüm ýapar, garşylykly nazara
Biygtyýar.
Bu gün gör-ä, señ dildaryñ,
Sensiz intizar.
Özgä nesip bolan ýarym,
Gynanma sen, bagtly bol!
Indi biziñ aramyzda
Beýik ynsap,
Hormat bar.

■ Goşgy okap bereýin

Gel, ezizim men saña
Goşgy okap bereýin.
Gözleñden özüm hakda
Yşgy okap bereýin.

Gel-de ümsüm otur sen,
Diñle, bölmän sözümi,
Setirleñ arasyndan
Gözle dünýäm özüñi.

Sora, aýyp görmerin
Düşünmeseñ sözüme,
Mümkin añsat görersiñ
Dogry baksañ ýüzüme.

Ýöne meniñ yhlasym
Setirlerden gözleme.
Syr bolmasyn arada
Senem menden gizleme.

Möhre garyp ýüregmiñ
Syryn açaýyn saña.
Ynjan ýürek ynjalsyn
Şu zatlar besdir maña.

Gözel SARLY GYZY.