Şarlawuk

ŞARLAWUK 

Sypalap ýedi gat ýeriň gaýmagyn,
Ýedi gat gaýanyň üstünden aşyp,  
Yranyp dur,
Tolkunyp dur,
Akyp dur… 
Şarlawuk,
bir perişan zülpüň bendinden,  
Çözülen deý 
Ogryn önen  hyjuwdan,  
Goja dagyň bulaklaryn goçup dur.

Kümüş suwa garyp 
Daragnyň daşyn,
Ýarynyň zülpüni daraýar daglar. 
Göýä leýlisaçlaň  ýapragyn ýelpäp,
Alys-da birini garaýar daglar. 

Bu daglaryň gatlaryna 
Tabşyryp,dolandym men
Içimdäki hasratym.
Hem tabşyrdym syrlarymy bulaga 
Söýgiden püre-pür 
Bir bukja hatym.

Eý şarlawuk! 
Çöz sen zülpüň taryny,
Hol tolkunup akyp barýan
 Çeşmeden .
Bir tolkunly  jogap ýazdym ýaňadan 
Söýgilerden  purken 
Kalby teşneden.

Darap otyr 
Zülplerini şarlawuk ...
Akyp barýar çeşmelerden, bulakdan 
Ýene bir hat, ýene müň hat 
Gaýtadan 
Joşup çykýar 
Heniz aşyk ýürekden.           

Gapur HOJA.