Sebäpsiz gülki

SEBÄPSIZ GÜLKI

Gije-gündiz gülüp ýörün üstüñden
Oturamda gülýän,
Turamda gülýän.
Zen geñeşin alyp edýän kesbiñden,
Kemal tapmajagñy
Bilemde gülýän.

Sebäbini bilýäñ ajy gülkimiñ,
Şoñ üçin bialaç gargaýañ maña.
Gowusy gargama!
Ýakyn bolarmyş
Gargyş çykan agzyn garmaga çaña...

Jaý wagty gelende,
ýeri gelende,
Öz zähri öldirmiş garaýylany.
A sen goltugyñda apalap sakla,
Bir garyp ojagy küle bulany.

Nämüçin gülýänmi,
Nämä gülýänmi,
Bilýäs-ä...
Ýa anyk aýtmak lazymmy?
Bir gün aglamakdan gorkýan, señ üçin...
Bogsañ ýanyñdaky kümsük tazyñny.