Sen, erkin bol!

SEN, ERKIN BOL!

Sen, erkin bol,
Elmydama galamyň
Goý, saýrasyn owazyny ýüregiň.
Sertligini duýman hiç bir gaýanyň
Ummanlarda ýüzdür ylham küregin.

Saýa düşmez ýaýlara git käte,
Tümlük içre hikmet çöşle tükenmez.
Ömürlere güneş bolup örňejek,
Şygyrlaryň doglanyna ökünmez.

Sen, erkin bol,
Mahal-mahal galamyň
Goý çyksyn çäginden tutuş älemiň.
Söýgüsin kalbyna gizlän gözeller,
Dogum bilen kaksyn bagtyň lälesin.

Bu ýollaryň çökderligi bigüman,
Bolsun bagryň kesim-kesim.
Batsaň bir gün ýalňyzlygyň laýyna,
Darykma,
Halasgär okyjyň eşider sesiň.

Annabeg AÝMAKOWA.