Sil

SIL

Hol gara bulutlar geldiler üýşüp,
Obamyzyñ asmanyna assadan.
Başlaryny aşak salan agaçlar
Bir dem halas boldy howur-yssydan.

Birdenem sil suwna ýuwuldy zemin,
Göçegen bulutlar ýükün ýazdyryp.
Ak meýdanda oýnap ýören çagalar,
Ýüwrüp gaýtdy üst-başlaryn ezdirip.

Towlanyp-towlanyp akyp dur ynha,
Alys dagdan gaýdan däli sil şaglap.
Dag başynyñ el ýetmeýän kertinden,
Güllerin alypdyr bagryny daglap.

Buýsanjy bar dag siliniñ kämahal,
Akýar lerzan edip daglañ başyny.
Gynandym el ýetmez gülleñ halyna,
Synlanymda silde akyp barşyny.

Bibisara HAPYZOWA.