Главная » 2021 » Noýabr » 1 » Soñky düýş
17:28

Soñky düýş

SOÑKY DÜÝŞ

Bir jadygöýdi.
Göz bilen gaşyñ arasyndan
Jorapjyk örerdi çagajyklarna
Aýazly tünekde
Egnindäki sary giden
Köýneginiñ sapagyndan.
Bir pingwinler üşemeýär, bilýärin,
Doñup ýatan materikde,
Birem ol.

Sungatyñ ussadydy.
Hyýal sahnasyndaky ýyldyzlara haýrandy,
Her kes.
Men bolsam oña...
Bagtyýar enäñ rolun oýnady
Ömrüboýuna.
Ne ýüzünde
Ne ýüreginde ýazy bolmadyk bir ynsan bilen
Çagalarmyñ kakasy diýe.
Muny duýmadam hiç kes.

Aramyzda gezen melekdi,
Mydam özgäñ derdinde.
Hem gorkardy doýmakdan
Çagalaryn öñürdip.
Saçagyñ bir cetinde,
Dadyp oturandyr tagamdan,
Hem iýýän ýalydyr daşyndan.
Şondan, hemmeden soñ turar
Saçak başyndan.

Ýeke gezek özi üçin bir iş etdi,
Bir özüne, soñky deminde.
Düşündim ýylgyryşyndan,
Dodaklarnyñ gyrasynda gizlenen.
Hem
Kirpikleriñ ujunda
Bagtyýarlykdan bir nem.
Üç otagly öýli boldy düýşünde...
Hem oýanmady bu düýşünden soñ enem...

Halyl Ybrahym ÖZBAÝ,
türk şahyry.
Goşgular
Категория: Goşgular | Просмотров: 311 | Добавил: Haweran | Теги: Halyl Ybrahym Özbaý | Рейтинг: 2.5/2
Awtoryň başga makalalary

Goşgular bölümiň başga makalalary

√ Hatty benewşe, haddy läle, zülpi reýhandyr... / Goşgular - 12.01.2025
√ Kowusnama: Bedew edinmek hakynda / Goşgular - 12.01.2025
√ "Ýene-de daň atdy..." / Goşgular - 01.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Men bir ýola... / Goşgular - 12.01.2025
√ Ýaraly ýüregiň owazy / Goşgular - 22.01.2025
√ Oňşuksyz öý / Goşgular - 12.01.2025
√ Dünýä maňa aşyk bolsun! / Goşgular - 07.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Şaglawuk / Goşgular - 02.01.2025

Teswirleriň ählisi: 5
0
1 Haweran  
411
Goşgy dogrudanam gowy. Terjime meñki däl. "Beýik Türkmenbaşy nesli" gazetiniñ (häzirki "Nesil") 2008-nji ýyldaky sanlaryndan. (Terjimeçi görkezilmändirem). Geñirgenmäñiz "diýe" sözünemi? Bu söz türkmen dilinde ýokmy? Magtymgulyñ "Ýusup diýe-diýe" goşgusyny ýatlañ. "Göz b.n gaşyñ arasynda" diýen söz düzümem bar, biz tarapda bu söz düzümi hasam köp ulanylýar, meselem garaşman durkañ, aýratyn gorap duran zadyña bir zat bolsa aýdylýar, "bäh, emgek geljek bolsa, göz b.n gaşyñ arasynda geläýýän eken-ow" diýen ýaly.. ) "Türkmen diliniñ frazeologik sözlügini" okamagy maslahat berýärin.

0
2 mango  
651
Düşkondu

Bildiğin sihirbazdı.
Patik yapardı kaşla göz arası,
Zemheride çocuklarına.
Kendi giydiği yeleğinin ipinden.
Bir, penguenler üşümez bilirdim
Kutuplarda,
Bir de o.

Sanatçıydı besbelli.
Herkes,
Hayal perdesindeki yıldızlara hayrandı,
Ben ona…
Mutlu kadını oynadı bir ömür boyu,
Ne yüzünde,
Ne yüreğinde bahar olmayan bir adamla,
Babası diye çocuklarının;
Kimse anlamadı.

Melekti, aramızda dolaşan.
Başkalarını düşünür sürekli,
Ve doymaktan korkardı
Çocuklarından önce.
Sofranın ucuna usulca konar,
Ucundan ucundan yerdi tabağının.
Bu yüzdendi en son kalkması da
Sofradan.

Bir defa kendisi için bir şey yaptı,
Kendisiydi artık giderken.
Gülümsemesinden anladım
Dudaklarının kenarında kalan.
Ve kirpiklerinin ucunda,
Mutluluk sıcağı bir nem.
Üç göz oda bir evi olduğu
İlk kez girince düşlerine,
Uyanmadı bir daha annem.

Halil İbrahim Özbay

0
3 mango  
651
Köýneginiň sapagyndan jorap örenok türkçede….
Ýeňsiziniň ýüpünden örýär.
Başyny özümçe şeýleräk pikir etdim…

Bir jadygöýdi.
Göz bilen gaşyn arasyndan
Jorapjyk örerdi çagajyklarna
Aýazly tünekde
Egnindäki sary giden
Köýneginiñ sapagyndan.

***

Ellerinde jady bar ýaly.
Jorap örerdi gaş bilen göz arasy,
Aýazly tünekde, çagalaryna.
Egnindäki sary giden
Ýeňsiziniň ýüpünden.

0
4 mango  
651
Uyanmadı bir daha annem.
Hem oýanmady bu düýşünden soñ enem...

Annem -ejem… kän tapawudam ýok welin….
—-
Terjime umuman gowy eken.

0
5 mango  
651
Düşkondu - ady gyzykly eken.
“Gecekondu” diýen düşünje bar, biziň düşünjek dilimizde “нахалстрой” bolýa.
Döwlede degişli ýerde rursatsyz bir gijede çatma-küme gurunup ýaşamaga başlaýarlar… gadym aşgabadyň baýyrlarynda-da şeýle edýärdiler, ol raýonada nahalstroý diýerdiler…
Garaz, goşgudaky gahryman ene-eje düýşünde bir gijede, bir gezekde hyýalynda jaý gurunýar….

Teswiri diňe saýta agza bolan ulanjylar goşup bilýär.
[ Agza bol | Saýta gir ]