Sowgat

SOWGAT

Meniñ saña sowgadym bar, ezizim,
Tapylmajak hiç bazardan, dükandan.
Gerek däl sagbolsun, tañryýalkasyn,
Ol jahana geldi bölünip jandan.

Gerek oña seniñ atalyk mähriñ,
Gurşamaly üns-alada bilen.
Ýakyn dost bolmaly hemmeden beter
Maslahatçy ata öwüdi bilen.

Ol giñ dünýä indi öwrenişmeli,
Uklap-oýanmaly, iýip içmeli.
Özboluş dünýäsi bolmaly onuñ,
Günler bilen öz-özüni açmaly.

Çagalyk suratlar geler göz öñe,
Çagalyk dünýäñe edersiñ seýran.
Bütin durkuñ bilen berlersiñ oña,
Baryñam, ýoguñam edersiñ gurban.

Şatlyk beren, bagt eçilen ömrüñe
Göwün şadyn asyl agynjak özüñ.
Bizden dowam bu ajaýyp zemine -
Ýarym, ynha, seniñ nowbahar gyzyñ!

Mähri MUHAMMEDOWA,
Sakarçäge etraby.