Süýji düýşleri küýsäp...

SÜÝJI DÜÝŞLERI KÜÝSÄP...

Seni maña, meni saña duşuryp,
Nirde galdy otlularyñ menzili.
Hyýalymda señ didaryñ gowşuryp,
Güjeñlärdi gije Aý gül meñzini.

Neçün bizi aldan öýke-kineler,
Enteklerem sap ynama kölege?!
Seni görüp doñup galan didelem
Seni küýsäp azar berýär ýürege.

Hany, düýşler seniñ geljegiñ buşlan,
Umytlarmyñ gujagynda üwrelen.
Ak garly gyş yşkymyzy gulaçlan,
Ertekiler hakykata öwrüler.

Ýene haçan guçar ol bagtly günler,
Biziñ yşk bagyna dañan öýmämiz?!
Ýalñyzlyga arka direse tünler,
Halas etsin bir-biregi söýmämiz.

Laura MAKSYMOWA.