Teklip

TEKLIP

Bu gijä bir at goýaly,
Yz galdyrsyn ýadymyzda,
Diýeli: "Bu - şo gijedi!"
Birazajyk sergin şemal, biraz-da bahar tagamy
Galsyn damak dadymyzda,
Misli, bar zat indijedi.
Siñsin tar-tar saçymyza,
Ruhumyzy meý-mes eden yşkyñ jan alyjy güýji...
Söýgimiziñ hormatyna
Ir sähere peşgeş bolsun gijäñ görülmedik düýşi...
Tas gözýetim saralýança
Aýşy-eşret bitmesin!
Beýle jadyly gije
Özge günleñ arasynda
Azaşmasyn, ýitmesin!
Durmazdan, säginmezden
"Söýýän" sözünden doýaly
Kä ukuly, kä oýaly!
Gaýta-gaýta,
Serden geçip, täzeläli bu demleri,
Bu gijä bir at goýaly!

...Geçip gitmäni bilmesin
Gel, ählije gijeleri yşkymyza mat goýaly!

Afak ŞIHLI,
azerbaýjan şahyry.

Terjime eden: Ysmaýyl TAGAN.