Watan

WATAN

Watan - ýüregimde biserhet söýgüm:
"Iňňäden" başlanýar başlangyç çägiň.
Ýykylamda turzup, tekge berenim,
Köwşüm tersin geyen çagalyk çagym.

Ýaşlygymda ýene topraga sygnyp,
Okaýan, işleýän gülli goýnuňda.
Öwretdiň: toprak deý sada bolmagy.
Hem utulmazlygy durmuş oýnunda.

Toprak deýin berk bolmagy öwretdiň,
Gyzgyn gursagmyza guýduň-da pähmi,
Agaran saçlarym sypalap ýene.
Gojalykda açdyň çöňňelen şähdi.

Baky uka gitsek bir gazaply gyş"
Ýene-de ol sizi bagryna gatar:
Ene, ata deýin şert goýman söýjek:
Bilseňiz ýeke-täk: Watandyr Watan!

Bibigül ÝAGŞYMÄDOWA.