Wesýet

WESÝET

Alla amanadym bermeli bolsam,
Kazam dolup, ýürek goýsa urmasyn,
Äktjek zadym kepenlik matam,
Şony bir kem etmäñ, ýetmän durmasyn.

Gözüm açyp gitsem, öýüñ töründe,
Ýumdurup gözlerim barmaklam sarañ,
Öliden gorkmañlar, diriden gorkuñ,
Eñegim dañanda howlukman da:rañ.

‌Ýuwa salynanda tabyt legende,
Babaly her niçik süññümden bolsun.
Tämizläp, aýyryp artyk süýşügin,
Ýuwa suwun guýan siññinden guýsun.

Hoşlaşyga girsin meni hormatlan,
Görjek, görmejegem soñ meni görmez,
Aglanyma degýän bolsa, aglansyn,
Ýogsa-da ýalandan aglamak bolmaz.

Ýürekden gynanyp, sessizje aglañ,
Özüñiz gynamañ, bagryñyz ezmäñ,
Iki dünýäñ arasynda ruhuma,
Dady perýat edip, siz ezýet bermäñ.

Patamy almaga gelen bolsalar,
Sogabyndan islän dursun jynaza.
Algy-bergim üzsün mirasdüşerim,
Gaýdyp gelinjegi däldir gümana...

Pylan gonamçylyk däldir wesýetim,
Ählisem keramat, arassa olar.
Nesibämiñ çeken ýeri bes maña,
Içki jaýym kiçi bolmasa bolar.

Jynazamda mal öldürmek sargyt däl,
Onlap öldürseñem, ýoldaş däl olar.
Gölegçiler datsyn halalja zatdan,
Hak ýoldaşym diñe imanym bolar.

Uçmahmy, dowzahmy?
Belli däl jaýym,
Bakyýa gitmeli mesele aýdyñ,
Nähili adamdy?
Diýilen wagty,
Öwülýañ üstünde dogryñyz aýdyñ.

Döwran SAPAROW,
tamada.