Ýar gelýär

Awçydan gutulan marala meñzäp,
Hem edaly, namys-arly ýar gelýär.
Zenehdany hally, lebleri bally,
Inçe bili zer kemerli ýar gelýär.

Ýar jemaly oda-köze salypdyr,
Yşk zynjyry boýnuma bent bolupdyr,
Göýä şapak-güneşden nur alypdyr,
Aý jemally, gül kamarly ýar gelýär.

Özi bir melekdir, enesine bak,
Dişleri dürdäne, dänesine bak,
Zülpi halka-halka, şanasyna bak,
Hem enarly, goşa marly ýar gelýär.

Gözel, yşkyñ bu synamy dilipdir,
Meniñ halys ejizlänmi bilipdir,
Köñlümiñ şährine talañ salypdyr,
Zemistan dek zor emirli ýar gelýär.

Saçlary sünbüldir, zülpüne maýyl,
Allanyñ ýaradan gözelne kaýyl,
Aşyk Saýat Nowa, boldum men saýyl,
Ak gollary galam-kärli ýar gelýär.

Saýat Nowa.