Ýolda yzda seni görse gözlerim...

ÝOLDA-YZDA SENI GÖRSE GÖZLERIM...

Ýolda-yzda, seni görse gözlerim,
Görmezlige salyp, ötüp giderin,
Soň, aýlanyp seniň aýak yzlaryň,
Başym ýere goýup, öpüp giderin,

Hyýalymda, ýylgyrşyňa guwanyp,
Göwnüm çaga....
oýnap, böküp giderin.
Sen dirikäň, urýan juwan ýüregim,
Il-güne güjeňläp, açyp giderin.

Emma, welin ýüregimde ýer eden,
Söýgimiň laýyna, batyp giderin,
Sen barkaň.
Ýüregim urmasa, birden...
Sessiz söýgim bilen ýitip giderin.

Remezan MÄMETGURBANOW.