Yşk makamy alydyr, yşk gadym ezelidir...

Yşk makamy alydyr, yşk gadym ezelidir,
Yşk sözüni sözleýen jümle gudrat dilidir.

Diýen ol, eşiden ol, gören ol, görkezen ol,
Her sözi sözleýen ol, surat jan menzilidir.

Surat, söz kanda boldy, kanda sözi iş oldy,
Surata özi geldi, dil hikmetiň ýoludyr.

Bu biziň eşretimiz, oldur bu lezzetimiz,
Içip esredigim yşk şerbeti kölüdir.

Aly ki diýr sen onuň, söýleýen ol, söz onuň,
Ol biziňdir, biz onuň, gaýyr tesbih dilidir.

Ýunus, sözüňde ýalan görmedi müňkür olan,
Ömrüni zulmata salan magrypatyň ýoksulydyr.