Yşk meni berkarar et

YŞK MENI BERKARAR ET

Bilmen neçüýn, nägile,
Ýaşadykça al-hile,
Menzil ýakyn kämile,
Yşk meni berkarar et.

Öz göwnüme merdan men,
Sergezdan men, sersan men,
Içi dertden lerzan men,
Yşk meni berkarar et.

Bir salgym wysal diýe,
Wepasy ýok ýar diýe,
Geldim dünýä dar diýe...
Yşk meni berkarar et.

Ýaşlanar mele gözlem,
Aýralyk ysly sözler,
Gel, maňa artyk dözme,
Yşk meni berkarar et.

Ogulmeňli ÝARAŞOWA