Ýürek gözläp

ÝÜREK GÖZLÄP

Göz gyzdyrman başga zada,
Gezdim ýürek gözleginde.
Ýalñyşlyklar ýazgyt paýym,
Şowsuzlyklar gözlegimde.

Bitmejek däl - bitirmek kyn,
Şol gymmatla hyrydardym.
Ýetilmedik bir islegim,
Çyn ýürekden - çyna zardym.

Aýasynda hödürlänler,
Juda çyna berimsizdi,
Ýa - ha olar örän ýeser,
Ýa - da çakdan görümsizdi.

Tapyljakmy, kim başarjak,
Añsat ýaly göräýmägä.
Ýürek gerek - hödürläre,
Ýürek gerek - beräýmäge.

28.04.2018