Zyna barada

YSLAM HUKUGYNDA ZYNA

"Gurhanda" zyna barada şeýle diýilýär:

"Zyna golaýlaşmañ. Çünki ol haýasyz bir günä we erbet bir ýoldur".
(Seret: "Isra" süresiniñ 32-nji aýaty).

Pygamberimiz (s.a.w) bolsa zyna (beçebazlyk) şeýle diýýär:

"Bir-birine ýanaşan iki erkek gören ýagdaýyñyzda hem ikisini-de öldüriñ".
(Seret: Ibni Maje).

Pygamberimiz (s.a.w) zynanyñ ýene-de bir aýylganç görnüşi barada şeýle diýýär:

"Haýwan bilen ýanaşan kişini öldüriñ. Haýwany-da ýok ediñ".
(Seret: "Mişkatül-Mesabih").

→ ZYNA: Bir erkek bilen zenanyñ binika jynsy gatnaşygydyr. Zynanyñ maddy we ruhy ýykgynçylyklarynyñ möçberini hiç kimem kesgitläp bilmese gerek. Zyna bu pis işi eden kişini bu dünýäde-de, ahyretde-de zelil we perişan hala saljak erbetlikdir.
Hut şonuñ üçinem yslam dini adamzady zynahorlukdan daşda durmak üçin aýgytly duýduryşlary beripdir. Ýokardaky "Isra" süresiniñ 32-nji aýaty hem yslamyýetiñ bütin durky bilen zynanyñ we jelepçiligiñ garşysyndadygyny görkezýär. Mundan başga-da "Gurhanyñ" birnäçe aýaty zynany, jelepçiligi näletleýär we zynanyñ Allatagala, Pygambere (s.a.w), galyberse-de adam oglunyñ özüne garşy etjek iñ ýigrenji bihormatlykdygyny nygtaýar.
Bu barada Pygamberimiz (s a.w) Hoşlaşyk Hajynda 120 müñden gowrak musulman beren hutbasynda nesliñ goralmagy hökmany bolan mukaddes barlykdygyny aýdypdyr:

"Eý adamlar!.. Bu günleriñiz nähili mukaddes bir aý bolsa, bu şäheriñiz (Mekge) nähili mukaddes şäher bolsa, nesliñiz-de şeýle mukaddesdir - her dürli erbetkikden gorañ".

Hadysyñ manysy aýdyñdyr. Adamoglunyñ nesli iñ mukaddeslik derejesine göterilýär. Zyna bolsa bu mukaddesligi weýran edýän iñ uly howpdur. Bu mukaddeslige hyýanat edeniñ jezasy bolsa örän uludyr.
Dinimiz erbetliklere göz ýummazlygy, erbetlige garşy göreşmegimizi buýurýar.
Pygamberimiziñ (s.a.w) özi-de şeýle diýýär:

"Içiñizden biri Allanyñ razylygyna garşy bir iş edilenini gören wagtynda eli bilen garşy bolsun. Muña güýji ýetmese dili bilen garşy bolsun. Eger muña-da güýji ýetmese kalby bilen oña garşy bolsun. Bu erbetlige kalbyñ bilen garşy bolmak imanyñ iñ ejiz derejesidir".
(Seret: Müslim, t II, sah 35).

Sahabalardan Abdylla (r.a) şeýle diýýär:

"Bir gün Pygambere: "Iñ uly günä näme?" diýip soradym. Pygamber (s.a.w) şu jogaby berdi: "Seni we bütin älem-jahany ýokdan bar eden Allaha taý goşmakdyr". "Ondan soñky iñ uly günä haýsy?" diýip soradym. Pygamber (s.a.w): "Güzeranyny dolap bilmerin endişesi bilen öz çagañy öldürmekdir" diýip jogap berdi. "Ondan soñky iñ uly haýsy?" diýip soradym. Pygamber (s.a.w): "Goñşynyñ aýaly bilen zyna etmekdir"
(Seret: Buhary, t III, bap 20).

Şondan köp wagt geçmänkä bir aýat inipdir:

"Hakyky möminler Allaha taý goşmazlar, Allanyñ haram eden janyna nähak ýere sütem etmezler, zyna hem etmezler".
(Seret: "Furkan" süresiniñ 68-nji aýaty).

Pygamberimiz (s.a.w) şeýle gürrüñ beripdir:

"Jebraýyl we Mikaýyl (a.s) bilen bile ýolumyza dowam etdik. Içi giñ, emma agzy dar, içinden sesler we güwwüldi eşdilen tamdyr ýaly bir zat gördük. Içine bakdyk, ýalañaç aýallar we erkekler bir ýerde we aşaklaryndan ot uranda perýat edýärlerdi. Bularyñ kimdigini Jebraýyldan soradym. Olar dünýäde zyna eden aýallar we erkeklerdir, kyýamata çenli azaplary şeýle dowam etjekdir" diýdi".
(Bu hadys Pygamberimiziñ Magraçda gören zatlary bilen baglanyşyklydyr. Serediñ: Hafyz Zehebi "Uly günäler", sah 57).

Pygamberimiz (s.a.w) ýene şeýle diýýär:

"Iman lybas ýalydyr. Beýik Alla ony islän kişisine geýdirer. Gul zyna eden wagtynda Beýik Alla iman lybasyny ondan alar, emma toba etse gaýdyp berer".
(Seret: Kurtuby, t XII, sah 167).

Pygamberimiz zynan barada ýene-de şeýle diýýär:

"Eý musulmanlar, zynadan saklanyñ. Çünki zynanyñ 3-i dünýäde, 3-ide ahyretde bolan alty dürli zyýany bardyr. Dünýädäki zyýany şulardyr:
- Ýüzüniñ nury gider;
- Ömri gysgalar;
- Garyplyk getirer.
Ahyretde bolsa:
- Allanyñ gazabyna;
- Agyr hasaba;
- Dowzah azabyna duçar bolar".
(Seret: Hekim "Uly günäler").

Zyna barada Pygamberimiziñ (s.a.w) aýdan hadyslary mundan başga-da kän. Olardan biri:

"Bir adamyñ özüne halal edilmedik bir aýalyñ ýatgysyna damdyran tohumlygy (spermasy) küfürden soñra iñ uly günädir. Dowzahda bir dere bar, içinde düýäñ boýny ýaly uly ýylanlar bolar. Bu ýylanlar namazyny bilkastlaýyn taşlan adamlary çakan wagtynda zäheri tutuş ýetmiş ýyl adamyñ bedeninde gaýnar we etleri döküler. Ýene-de otda "Hasrat" guýusy diýen ýer bar, içinde ýylanlar gatyryñ ululygynda içýanlar bar. Her içýanyñ ýetmiş dürli zäherli iññesi bar. Bu içýanlar zynahor kişileri sokup zäherini olaryñ endamyna akdyran wagtlary awusyny müñ ýyllap duýar durar. Soñra eti bölek-bölek bolup döküler we synasyndan gan, iriñ akar".
(Seret: Ahmet "Uly günäler").

Abdylla AÝDYN, Salyh UÇAN "Yslamda maşgala we pynhan gatnaşyklar".