DILEG
Ýürek ýene derdin dökýär,
Ýazgaryp yşkyñ kadasyn.
Keşdelesem päklik bilen,
Ýarymyñ ýalan wadasyn.
Göwnüm serhoşa dönüpdir,
Içip umytdan badasyn.
...Sen ýene meniñ gözümde,
Günäsiz asylzadasyñ.
Gör-ä, indi gezip ýörün,
Söýüp hyýal şazadasyn.
Ýanymy hasrata berip,
Arzuw etmekden ýadadym.
Ykbal, maña berjek bolsañ,
Bergin özüm deý sadasyn!..
* * *
Ukudan oýanan bäbejik ýaly,
Duýgularym iç-içinde yzlaýar.
Ykbal ýene endigine atlanyp,
Öýkäñ ýeñsesinden ömri yzlaýar.
Garaşyp ýatan dek hyýallañ bary,
Jar çekýär dünýäme seniñ gideniñ.
Şükür etdim, sabyr üçin zoraýak,
Sen maña däl, özüñe bagt dilegin.
Ýakasy kir bolan hakydalary,
Gözýaş ýuwmaz, kabul etsem, etmesem...
Göwnüñ ak guşundan namalar ýollap,
Könelişen ýarama duz sepme senem.
Ogulmeñli ÝARAŞOWA.