Garalamam

GARALAMAM

Garalama ýazan ýazgym timarlap,
Aklamamda kän alypdym bäşligi.
Garalama depder deýin geçmişim,
Eýýäm ýazyp, pozup gitdi ýaşlygy.

Durmuşymyñ garalama depderi,
Añymdady, ýanymdady hemişe.
Ilki garalama ýazyp, pozmaklyk,
Endigimdi, başlamakam her işe.

Her hal, her ädimde dörjeläp ýören,
Añym durmuşdaky garalamamdy.
Onda kän garalap, ýazan aklamam,
Ýolumy hiç haçan garalamandy.

Gyzylgül ANNAGYLYJOWA.