Jadyly senet

JADYLY SENET

Aýdym-sazym,
Gadymyýetden ýadygär.
Sende gudrat-kerem,
Jady bar.
Sende lowlap duran yşkyñ ody bar.
Sende Oguz han dek ärleriñ
Gaýraty bar, mertligi bar, zory bar.
Danalar danasy Gorkut atanyñ
Nazarkerde paýhasly didary bar.
Watan, il-gün üçin al ganyn döken
Görogly gerçegiñ namys-ary bar.
Şahyrlar şahyry Magtymgulynyñ
Berkararlyk islän hak şygary bar.
Owazlar älemne ýañ salan ussat
Babagammar piriñ çyn dutary bar.
Bagtyýarlyk döwri äleme doldy,
Adyñ-abraýyñ, belent mertebäñ.
Güller açar, dürler saçar, nurlanar,
Arşa galar seniñ geljegiñ-ertäñ.

Zehininden dürler döküp, zer döküp,
Ýaşap geçen beýik ussatlarmyzy.
Belent mertebeli Prezidentimiz,
Sarpa goýup galdyrdy tirseklerine.
Ýaşap ýören şeýda bilbilleriñ-de,
Hyruç goşup berdi ýüreklerine.

Amanmyrat MAÝEW.