Mundan artyk başaramok...

MUNDAN ARTYK BAŞARAMOK...

Mundan artyk başaramok,
Haýyş, indi igeleme!
Goý, ýalňyşdym hasap edäý,
Duşdum diýip bigeleňe.

Bolmaz indi artyk zarym,
Ýykmaryn gyz göwüniňi.
Düşün, ertirleriň üçin
Pida edýän şu günümi.

Bir-birekden uzaklara
Öňde-soňda gitmeli biz.
Ýa-ha bile bagtsyz bolup,
Ýa aýrylyp, bir-biregi
Bagtly ynsan etmeli biz.

Durmuş sabrymyz synady,
(Agyr... Juda agyr ykbal.)
Belki, bir gün göz ýeti:rsiň,
Söýgi hem däldir bu, ahmal...

Ýazgydymyz ýazylandyr,
Özgede,
özge bir ýerde.
Bagyşla, gyz! Bolup galdym
Bir gaýratsyz, näletkerde...

2015 ý.

Sapa HOMMADOW.