Seniñdir

SENIŇDIR

Maňa derýa bolup akjak ylham ber,
Akyşy-da, akmaýşy-da seniňdir.
Ýürek ýarasyny ýakjak melhem ber,
Ýakyşy-da, ýakmaýşy-da seniňdir.

Dagdan gözlänimi tapyp düzlerden,
Umydymy halas etdim üzlerden.
Bukma kamatyňy dilgir gözlemden,
Bakyşy-da, bakmaýşy-da seniňdir.

Giç sataşyp görgä goýan dilberim,
Azap maňa sensiz geçen ýyllarym.
Gursagymda goh turuzýar ýyldyrym,
Çakyşy-da, çakmaýşy-da seniňdir.

Eýerläp müneňsoň düýşüm-ýadymy,
Men dünýäň iň bagtly betbagt adamy.
Illeň bize "_____-Sapa" adyny
Dakyşy-da, dakmaýşy-da seniňdir.

Sapa HOMMADOW.