05:24 Üç nama | |
ÜÇ NAMA
■ Ýol aýdymy Ýollaň azabyndan gorkmazym ýaly, Maňa ýa dost gerek, ýa-da ýar gerek. Bolmasa biderek azara galyp, Kötelli ýollarda ýadaýar ýürek. Hyýalymy alyslarda aparan, Nirde sen gün-günden daşlaşýan ýarym?! Kalbymda turýanam bolsa topalaň, Meň ömrüm täzeden başlanýan ýaly. ■ Dert Gaflata gark boldum, ýuwutdy zulmat, Bu pidaýy uky ne kyn zat eken?! Men şol pursat duýdum, bar zatdan gymmat, Daşyň gurşap alan ýakyn-ýat eken. Geregi ýok ýaly göreşmegiň-de, Häzir uklasaň bes, emma, wah, emma... Eziz ynsanlaryň göreçlerinden Ýagtylyp başlaýar garalan dünýä. ■ Oýanmak Ýaňyja turup otyryn, Oýanyp ukudan häzir. Hyýalda entek ýatyryn, Endigimiň çekip näzin. Diňe men şeýlemi, ýa-da Şeýle bolýarmy hemmede?! Şaýat bolýan täsin zada, Million küý bar hum kellede. Ýöne barysy ugursyz, Pytraşyp ýatan boş peşeň. Samsyk awçy deý ulumsy, Oky nyşandan daş gaçan. Men-ä gülüp başaramok, Başarsaň-da gülme maňa. Ýa men dünýä düşünemok, Düşünenok dünýe maňa. Sylapberdi MUHAMOW. | |
|
√ Жизнь / Goşgular - 29.02.2024 |
√ Garrylyk bazary / Goşgular - 24.05.2024 |
√ Ýolbars we Möjek / basnýa / Goşgular - 05.01.2024 |
√ Geçmişden bir ahwal ýa-da Sanjar hekaýaty / Goşgular - 17.05.2024 |
√ Soltan / Goşgular - 27.03.2024 |
√ Puluň başarnygy barada agymtyl goşgy / Goşgular - 10.01.2024 |
√ Ak buýnuzly ak maral / Goşgular - 01.01.2024 |
√ Tilki bilen üzüm / basnýa / Goşgular - 10.01.2024 |
√ Owadan pyçak hakynda erteki / Goşgular - 09.04.2024 |
√ Wiswisi lakamly obadaşymyň ömür beýany / Goşgular - 25.03.2024 |
Teswirleriň ählisi: 0 | |