07:22 Wasp | |
WASP
Gaýypdan indi-de bir perişdejik, Ylhamyma berdi ullakan gaýrat. Şol perişdäň jadysyna baglanyp, Ýüregim bir ýerde duranok saýrap. Saýlap iň päk sözleň naýbaşysyndan, Şonda-da waspyna ejizläp bu gün, Gijäniň, gündiziň parhyny bilmän, Setirlem çigişip, döredip düwün, Göwün arzuwlarma badak salýarlar. Ol — perişde. Menem ýöne bir adam. Wah, şu goşgy turup bilse göwnünden, Häzir diňe şu meň maksat-myradym. Hawa, päk ýürekli perişdejik ol, Gözleri garamyk, lebi gyzamyk. Pagyş-para eräberer akja gar, Onuň akja ýaňagyna gyzygyp. Zemine iberlen taýsyz peşgeş ol, Asmandaky Aýyň süýtdeş dogany. Ady ____ . Ýöne kimiň bagtyka? Göräýsedim şol bagtyýar oglany... Ganat baglap uçanmyka? Ýyldyz deý nur saçanmyka? Içenmikä yşk meýinden? Olam gökden gaçanmyka? Nähilikä? Nätüýslikä? Aslynda bir ynsanmykan? "Ýönekeý ynsan" diýseler, Ynansammykam?.. Sapa HOMMADOW. | |
|
√ "At bilen kowalap gördüler ony..." / Goşgular - 01.01.2024 |
√ Aldawçynyñ pañ-pañy / Goşgular - 18.01.2024 |
√ Puluň başarnygy barada agymtyl goşgy / Goşgular - 10.01.2024 |
√ Suwdan ot çykaran goşgy / Goşgular - 31.01.2024 |
√ Hasap / Goşgular - 18.02.2024 |
√ Ajap ýaýlam / Goşgular - 15.05.2024 |
√ Победителям / Goşgular - 29.02.2024 |
√ Nar / Goşgular - 22.04.2024 |
√ Garyp köñlümiñ soltany / Goşgular - 21.02.2024 |
√ Atsyz goşgy / Goşgular - 31.01.2024 |
Teswirleriň ählisi: 0 | |