20:58 Ýagmazak bulutlar | |
Ýagmazak bulutlar
Kä görseň haýalrak, kä görseň ýyndam, Gün yzyna günler geçýär at salyp. Ýagmazak bulutlar ýatyrlar şindem, Gök asmanyň açyk göwsün ýassanyp. Uzak ýola düşjek ýolagçy bardy, Asmana seredip ýygyrdy egnin. Misli bilkastlaýyn öjügýän ýaly, Göwni bölekleriň böldüler göwnün: “Dökülermi, dökülmezmi, bilmek kyn, Ýagyşdan doldurlar äpet pyýala. Ulagly ugrasa batmagyň mümkin, Ýol uzakdyr ýetip bolmaz pyýada…” Ýyldyzlar bürenjek bürenen ýaly, Bakmady asmanyň gözeneginden. Ýagmazak bulutlar sürdüler şalyk, Gelip gün tutýança ezeneginden. Diňe töwekgelleň basylman howy, Sagat beýnisinde öwürdi pikir: -Päkize asmanyň giňligi gowy, Nurana güneşiň barlygna şükür! (1977) Halyl Kulyýew | |
|
√ Eýdip-beýdip... / edebi ýaňsylama / Goşgular - 12.01.2024 |
√ Ýolbars we Möjek / basnýa / Goşgular - 05.01.2024 |
√ Жизнь / Goşgular - 29.02.2024 |
√ Käbir aýallara melek diýýäñiz / Goşgular - 04.02.2024 |
√ Ýogaldy / Goşgular - 05.05.2024 |
√ Sumbaryñ kenarynda / Goşgular - 01.01.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Siziñki / Goşgular - 30.01.2024 |
√ Sokrat / Goşgular - 16.05.2024 |
√ Aldawçynyñ pañ-pañy / Goşgular - 18.01.2024 |
Teswirleriň ählisi: 0 | |