Ýatla meni...

ÝATLA MENI...

Ýollarymyz aýra düşdi,
Aýralykda hepde geçdi, aý geçdi.
Duman tutup, yşkymyzy bürese,
Durma, söýgä has dogumly ätle, ýar,
Ýatla meni, ýatla meni, ýatla, ýar!

Gözleriň däl, ýürek tapsyn ýoluny,
Gussa-gaýgy gaplap sagy-soluňy,
Aljyraňda, aladada galaňda
Kalbyňdaky päk söýgini otla, ýar,
Ýatla meni, ýatla meni, ýatla, ýar!

Aý aýdyňda mymyk şemal öwüsip,
Saňa eltse şygyrlarmyň gowusyn,
Senem ony gyzarybrak okaňda
Özge zatlar hakda pikir etme, ýar,
Ýatla meni, ýatla meni, ýatla, ýar!

(Ýetsem söýgülime... Ýetiräý ýykman,
Hemem gursagyma umyt guý, ykbal!)
Hasratam, gaharam ýaraşmaz saňa,
Şoň üçin garaja gaşyň çytma, ýar,
Ýatla meni, ýatla meni, ýatla, ýar!

Bagtymy baglasam bagtyňa, dünýäm,
Döräpsiň, Aý ýüzlim, bagtyna dünýäň.
Barsam, görsem, bersem gyzyl güllerim,
Men-ä Maryda, senem Aşgabatda, ýar,
Ýatla meni, ýatla meni, ýatla, ýar!

Sapa HOMMADOW.