Ýigitler

ÝIGITLER

Sarmaz gaýa kimin merdi-merdana,
Guwanmaga mert ýigitler kän munda.
Geçmişe ser salsañ goja dünýäde,
Pederlermiz gazanypdyr şan munda.

Şan-şöhratly,ar-namysly geçmişiñ,
Görogly gardaşyñ, Oguz han atañ.
Mertlik-merdanalyk şolardan gaýdyp,
Ganyñda, janyñda, süññüñde bekän.

Ar-namysyn tug edinen geçmişiñ,
Ýatyrka señ bu topragyñ astynda.
Ganyñdan akýarka mertleriñ gany,
Senem mertsiñ, şu topragyñ üstünde.

Ýigitler Watany jan berip däl-de,
Söýgi bilen goramakda paýly siz.
Edepli, ekramly, gülden zyýada,
Türkmeniñ çyn gözelinden taýly siz.

Taýly siz, paýly siz beýik bagtdan,
Döwüşe däl, toýlarda çap gyr aty.
Ozal akan ýerden, akarmyş aryk,
Ýigitleriñ egsilmez güýç, gaýraty.

Zenanlardyr, ýüzlerñiziñ tuwagy,
Gyzyl ýüzler gyzarmasyn,enşalla.
Geçmişden ýene-de geljege sary,
Ýigitlere ýol ber, şan ber eý Alla.

Gyzylgül ANNAGYLYJOWA.