ÝÜREKDEŞE
O.Nazarowa
Gelip ýürek tarym kakan,
Seniñ mähriñ ýazlarmy ýa!?
Señ göwnüñe güller dakan,
Doguldygyñ yazlarmy ýa!?
Güllerden alyp görküñi,
Maýyl etdiñ sen her kimi,
Kalba çaýyljak zer kimin,
Gözledigiñ sözlermi ýa!?
Sözleriñe teşneleri,
Kalba barýan çeşmeleri,
Gül deý göwni keşdeleri,
Yzladygyñ yzlarmy ýa!?
Ygşyldanda sährañ güli,
Çawuş çaksa bahar ýeli,
Awara bulutlar ýaly,
Göwnüñ syrdaş gözlärmi ýa!?
Göwnüñ syrdaş küýsäninde,
Kalbyñ mähre suwsanynda,
Gel,sözleşip gowzaýynla,
Saña beslän sözlermi ýa!
Gyzylgül Annagylyjowa.
