Adam aga

ADAM AGA

At göçümden iripdirin,
Adam aga, Adam aga.
Kyrk bäş güýzi tiripdirin,
Oglan ýagşy aldamaga.

Telpek geýýän gatan başa,
Ejap edýän nalamaga.
Eden tamalam nyşana,
Ajal okuň ýaglamaga.

Ökdeläpsiň ilki urup,
Il güldürip aglamaga.
Şa ýollara gapan gurup,
Çykýaň haýry awlamaga.

Ömrüň jyzlan – dünýe tutjak,
Maý tapmadyň ýaýnamaga.
Päliň girdap – hut ýuwutjak,
Boýum kelte boýlamaga.

Öň maýmyndyň, ala ýazdyň,
Ýaraşykdyň düze-daga.
Arman, sen aslyňdan azdyň,
Adam aga, Adam aga…

 Muhammetöwez ARRYKOW.