Ak goşgy

AK GOŞGY

Ýok,
Men pikir etmän ýaşap bilemok,
Balyklaryñ suwsuz,
Guşlaryñ asmansyz,
Ýaşap bilmeýişleri ýaly
Ýok,
men pikir etmän ýaşap bilemok.

Ýok,
Men pikir etmän ýaşap bilemok,
Ýeriñ güneşsiz,
Güneşiñ ýersiz
Ýaşap bilmeýşi ýaly,
Ýok,
men pikir etmän ýaşap bilemok.
Ýok,
Men pikir etmän ýaşap bilemok.

Gündiziñ gijesiz,
Gijäniñ gündizsiz
Ýaşap bilmeýişleri ýaly,
Ýok,
men pikir etmän ýaşap bilemok.

Men ýaşap bilemok ölçerip-dökmän,
Pikir diýilýän zat-Zemin süýtdeşi!
Ölsem, tämiz pikirlerimi göterip,
Togalak şar ýaşyl öwsüp aýlanýar.

Getirse-de soñky demi ýakyna,
Garasar sürsi deý soñsuz pikirler,
Diri çagym öldüm diýip düşünýän,
Ýeke minut pikir etmän otursam,
Ýok,
ýok,
ýok...
Men pikir etmän ýaşap bilemok.

Ahmet MÄMMEDOW.