Özüme häsiýetnama

ÖZÜME HÄSIÝETNAMA

Meniñ häsiýetim, gylygym şeýle:
Başarsam dogrymy sözleýärin men.
Başarmasam welin, köñlüm dogada,
Pyşyrdap, asmana gözleýärin men.

Keriñ eşitmesi, körüñ görmesi -
Gudraty güýçliniñ goldaw bermesi!
Bolaýýar-da, halamasam näkesi,
Görsem, göz ýumamok, duzlaýaryn men.

Gam ne? Bilmez gam laýyna batmagam,
Gamda galsam, umyt diýdi: - Etme gam!
"Golaýma gelmesin - diýýän - betlagam"
Ak ýürek ynsana dözmeýärin men.

Il bilen geçirdim ýaz-u-gyşlarmy,
Il bilen uçurdym elguşlarymy,
Ýalñyşsam, halk aýtsa ýalñyşlarymy,
Derhal ýalñyşymy düzleýärin men.

Obama baramda, diýdi bir daýym:
"Şygry beren gursagyñdyr serpaýyñ".
Diýdim: "Il-ulusa hyzmata taýyn,
Bu ýürek joşmasa ýazmaýaryn men!"

Ahmet MÄMMEDOW.