Arzuwlan ak bagtym saña garaşýan!

ARZUWLAN AK BAGTYM SAÑA GARAŞÝAN!

Nogta deý saçlarmy ezip, ak ýagşa,
Arzuwlan ak bagtym saña garaşýan.
Agraslygym bilen, dymmagym bilen,
Ýüregimiñ armany saña garaşýan.

Ýatlamalañ ýaglygyny atynyp,
Käte durmuş hakda ýöredýän hyýal.
Garañky gijeleñ sowuk goýnunda,
Säheriñ çygynda saña garaşýan.

Kän sowallar owsun atýar serimde,
Öz-özümi diñleýän oýlanýan biraz,
Duýýan, giñ dünýäniñ darlygyn maña
Şonda-da yene men saña garaşýan.

Ýùregimi ýagtyldyp ýananda şemler,
Mahal-mahal gözlerimden ýaş akýar
Näçe öñüm baglasa-da bu ykbal
Sùññùmi gabşadyp, saña garaşyan.

Umyt bilen, gussa bilen seredip,
Pâk duýgulam bilen ýaşaýan şindem.
Apy-tupan bolup öwüsüp gelýân
Ykmanda ýel kibi saña garaśýan.

Ykbal kejebâmiñ ýüpünden tutup,
Yhlasymdan ygyp ýörün henizem.
Kalbymyñ töründe saklan yşgymy
Özgelere dözman saña garaşýan.

Garaşmakdan hiç ýadamok, iremok,
Çünki garaşmaklyk bilen ýaşaýan.
Garaşyp ýetýärler uly ak bagta,
Ynha, seret, ýene men saña garaşýan!

Selbinýaz DURDYÝEWA.