Aýdym

AÝDYM

Gijäñ çygly ýañagyna baş goýdum,
Hem ýatladym seniñ uzakdadygñy,
Juda, juda, juda uzakdadygñy,
El uzatsam, eliñ uzamajagny,
Seslenenim bilen eşitmejegñi,
Baş atanym bilen baş atmajagñy.
Gulagymda bolsa ýañlanýar hälem
Bilin ýazman geçen gündiziñ gowry.
Sen bilýärmiñ, bu ýerlere dolandy,
Zamçalaryñ dünýä ys berýän döwri.
Men saña köp zady aýdasym gelýär,
Diñleseñ, dymmasam dymar çakymda.
Meniñ saña gürrüñ beresim gelýär
Juda, juda, juda köp zat hakynda.
Meñ saña köp zady aýdasym gelýär,
Bilýän, şatlanarsyñ sözlerim diñläp.
Gijäñ çygly ýañagyna baş goýdum,
Göz ýumdum, düýşüme gireriñ diläp.

Hudaýberdi SÖHBETOW.